ಬೆಂಗಳೂರು/ಹೈದರಾಬಾದ್: ಪ್ರತಿಭೆಗಳ ಹುಡುಕಾಟದಲ್ಲಿರುವ ಸಣ್ಣ ಕಲಾವಿದರಿಗೆ ಮತ್ತು ಚಲನಚಿತ್ರ ಕ್ಷೇತ್ರದಲ್ಲಿ ಅವಕಾಶಗಳನ್ನು ಅರಸುತ್ತಿರುವವರಿಗೆ ದೊಡ್ಡ ವೇದಿಕೆ ಕಲ್ಪಿಸುವ ಮಹತ್ತರ ಉದ್ದೇಶದಿಂದ ‘ದಿಲ್ ರಾಜ್ ಡ್ರೀಮ್ಸ್’ (Dil Raj Dreams) ಎಂಬ ವಿನೂತನ ವೆಬ್ ಪ್ಲಾಟ್‌ಫಾರ್ಮ್‌ಗೆ ಜೂನ್ 28, 2025 ರಂದು ಹೈದರಾಬಾದ್‌ನ ಜೆಆರ್‌ಸಿ ಜುಬಿಲಿಯಿಲ್ಸ್‌ನಲ್ಲಿ ಭವ್ಯವಾಗಿ ಚಾಲನೆ ನೀಡಲಾಗಿದೆ. ಈ ಮಹತ್ವಾಕಾಂಕ್ಷೆಯ ಯೋಜನೆಯ ಹಿಂದೆ ಸಮಾಜ ಸೇವಕ ಮತ್ತು ನಿರ್ಮಾಪಕ ದಿಲ್ ರಾಜ್ ಅವರ ದೂರದೃಷ್ಟಿ ಇದೆ.

ಇದನ್ನು ಓದಿ : ಯೂನಿಯನ್ ಬ್ಯಾಂಕ್‌ನಲ್ಲಿ ವಿವಿಧ ಹುದ್ದೆಗಳಿಗೆ ನೇಮಕಾತಿ: 7ನೇ ತರಗತಿಯಿಂದ ಪದವೀಧರರಿಗೆ ಅವಕಾಶ! ಅರ್ಜಿ ಸಲ್ಲಿಸುವುದು ಹೇಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ…

ಸಿನಿಮಾ ಅವಕಾಶಗಳಿಗೆ ‘ದಾರಿ ದೀಪ’: ದಿಲ್ ರಾಜ್ ಅವರ ಆಶಯ

ದೂರದ ಹಳ್ಳಿಗಳು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಸುಪ್ತವಾಗಿ ಅಡಗಿರುವ ಅಗಣಿತ ಪ್ರತಿಭೆಗಳಿಗೆ, ಅಲ್ಲಾಡುತ್ತಿರುವ ಕಥೆಗಾರರಿಗೆ, ಕಲಾವಿದರಿಗೆ, ನಿರ್ದೇಶಕರಿಗೆ ಮತ್ತು ನಿರ್ಮಾಪಕರಿಗೆ ‘ದಿಲ್ ರಾಜ್ ಡ್ರೀಮ್ಸ್’ ಒಂದು **”ದಾರಿ ದೀಪ”** ಆಗಲಿದೆ ಎಂದು ಸಂಸ್ಥಾಪಕ ದಿಲ್ ರಾಜ್ ತಿಳಿಸಿದ್ದಾರೆ. ಹೊಸ ನಿರ್ದೇಶಕರು ಮತ್ತು ಕಲಾವಿದರಿಗೆ ಪ್ರೋತ್ಸಾಹ ನೀಡಿ ಬೆಳೆಸುವುದು ತಮ್ಮ ಮುಖ್ಯ ಧ್ಯೇಯ ಎಂದು ಅವರು ಪ್ರತಿಪಾದಿಸಿದರು.

ಗಣ್ಯರ ಉಪಸ್ಥಿತಿ ಮತ್ತು ಪ್ರೇರಣಾತ್ಮಕ ಮಾತುಗಳು:

ಈ ಭವ್ಯ ಸಮಾರಂಭದಲ್ಲಿ ಸಂಗೀತ ನಿರ್ದೇಶಕ ದೇವಿ ಶ್ರೀ ಪ್ರಸಾದ್, ನಟ ವಿಜಯ್ ದೇವರಕೊಂಡ, ನಿರ್ಮಾಪಕ ದಿಲ್ ರಾಜ್ ಮತ್ತು ಸಿರಿಷ್ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು.

• ದೇವಿ ಶ್ರೀ ಪ್ರಸಾದ್ ಅವರ ಮಾತುಗಳು:“ಯಶಸ್ಸು ಅನ್ನೋದು ಸುಮ್ಮನೆ ಸಿಗುವುದಿಲ್ಲ, ಕೆಲವೊಮ್ಮೆ ಸೋಲು ಅನುಭವಿಸಬೇಕಾಗುತ್ತದೆ. ಆ ಸೋಲೇ ಮುಂದಿನ ದಿನಗಳಲ್ಲಿ ದೊಡ್ಡ ಗೆಲುವಾಗುತ್ತದೆ” ಎಂದು ದೇವಿ ಶ್ರೀ ಪ್ರಸಾದ್ ಅವರು ಸ್ಫೂರ್ತಿದಾಯಕ ಮಾತುಗಳನ್ನಾಡಿದರು.
• ವಿಜಯ್ ದೇವರಕೊಂಡ ಅವರ ಪ್ರೇರಣಾತ್ಮಕ ಪಯಣ: ನಟ ವಿಜಯ್ ದೇವರಕೊಂಡ ಅವರು ತಮ್ಮ ಸ್ವಂತ ಅನುಭವ ಹಂಚಿಕೊಂಡರು. “ಓದುವ ಸಮಯದಲ್ಲಿ ನಾನು ಒಬ್ಬ ನಟನಾಗುತ್ತೇನೆ ಎಂದು ಅಂದುಕೊಂಡಿದ್ದಿಲ್ಲ. ಡಿಗ್ರಿ ಆದ ಮೇಲೆ ನಟನೆ ಮೇಲೆ ಆಸಕ್ತಿ ಬಂತು. ಆ ದಿನಗಳಲ್ಲಿ ಅವಕಾಶಗಳು ಬಹಳ ಕಡಿಮೆ ಇತ್ತು. ವೆಬ್‌ಸೈಟ್‌ನಲ್ಲಿ ನಟನೆಗಾಗಿ ಅಪ್ಲಿಕೇಶನ್ ಹಾಕಿದ್ದೆ. ಅವರಿಗೆ ಫೋನ್ ಮಾಡುತ್ತಾ ಮಾಡುತ್ತಾ ನನಗೆ ಸಿನಿಮಾದಲ್ಲಿ ನಟನೆ ಮಾಡಲು ಅವಕಾಶ ಸಿಕ್ತು. ಅಂದಿನಿಂದ ಇಂದಿನವರೆಗೆ ಗೆದ್ದೇ ಗೆಲ್ಲುತ್ತೇನೆ ಎಂಬ ಛಲ ನಾನು ಬಿಡಲಿಲ್ಲ” ಎಂದು ತಮ್ಮ ಯಶಸ್ಸಿನ ಹಿಂದಿನ ಪರಿಶ್ರಮವನ್ನು ವಿವರಿಸಿದರು. ಅವರ ಮಾತುಗಳು ಹೊಸ ಕಲಾವಿದರಿಗೆ ದೊಡ್ಡ ಸ್ಫೂರ್ತಿ ನೀಡಿದವು.

ಶಿವಮೊಗ್ಗ: ಹೃದಯಾಘಾತದಿಂದ ಡಿ.ವಿ.ಎಸ್ ಕಾಲೇಜಿನಲ್ಲಿ ಅಂತಿಮ ವರ್ಷದ ಪದವಿ ಓದುತಿದ್ದ ವಿದ್ಯಾರ್ಥಿ ಸಾವು – ಗ್ರಾಮದಲ್ಲಿ ಶೋಕ ಮಡುಗಿದೆ!   ಪೂರ್ತಿ ಓದಲು ಕೆಳಗಿರುವ ಕ್ಲಿಕ್ ಮಾಡಿ

ಜಾಹಿರಾತು:

ರಾಯಚೂರಿನ ಪ್ರತಿಭೆಗಳಿಗೂ ಸಿಕ್ಕ ಅವಕಾಶ:

ದಿಲ್ ರಾಜ್ ಪ್ರೊಡಕ್ಷನ್ಸ್ ಮೂಲಕ ಈಗಾಗಲೇ ಅನೇಕ ಹೊಸಬರಿಗೆ ಅವಕಾಶ ಸಿಕ್ಕಿದೆ. “ನಿಮ್ಮ ದಿಲ್ ರಾಜ್ ಪ್ರೊಡಕ್ಷನ್‌ನಲ್ಲಿ ನನಗೆ ಅವಕಾಶ ಸಿಕ್ಕಿದ್ದು, ಹೊಸಬರಿಗೆ ವೇದಿಕೆ ಕೊಟ್ಟಿದ್ದು ಬಹಳ ಸಂತೋಷದ ವಿಷಯ” ಎಂದು ಓರ್ವ ಅನಾಮಧೇಯ ವ್ಯಕ್ತಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಕರ್ನಾಟಕದಿಂದ ರಾಯಚೂರಿನ ಕಲಾವಿದರಾದ ಚಿನ್ನ ಸೂರ್ಯ ಶಕ್ತಿನಗರ ಮತ್ತು ಮೌನ ಸ್ತಬ್ಧ ಕೊರತಕುಂದ ಅವರು ಭಾಗವಹಿಸಿದ್ದರು. ಮೌನ ಸ್ತಬ್ಧ ಕೊರತಕುಂದ ಅವರು ದಿಲ್ ರಾಜ್ ಪ್ರೊಡಕ್ಷನ್ಸ್‌ನ ‘ದೇವದಾಸ್’, ‘ಎಂಸಿಎ’, ‘ಡಿಜೆ’ ಸಿನಿಮಾಗಳಲ್ಲಿ ಜೂನಿಯರ್ ಆರ್ಟಿಸ್ಟ್ ಆಗಿ ಕೆಲಸ ಮಾಡಿದ್ದಾರೆ. ಬೇರೆ ಬೇರೆ ರಾಜ್ಯಗಳಿಂದ Gmail ಮೂಲಕ ಸೆಲೆಕ್ಷನ್ ಆದ ಕಲಾವಿದ ಅಭ್ಯರ್ಥಿಗಳು, ಕಥೆಗಾರರು ಮತ್ತು ಸಿನಿಮಾದ ಸಂಬಂಧಪಟ್ಟ ಕಲಾವಿದರು ಸೇರಿದಂತೆ 2000ಕ್ಕಿಂತ ಹೆಚ್ಚು ಜನ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

‘ದಿಲ್ ರಾಜ್ ಡ್ರೀಮ್ಸ್’ ವೆಬ್‌ಸೈಟ್ ಕೇವಲ ಒಂದು ಡಿಜಿಟಲ್ ವೇದಿಕೆಯಾಗಿರದೇ, ಇದು ದೇಶದಾದ್ಯಂತ ಇರುವ ಕಲಾವಿದರ ಕನಸುಗಳಿಗೆ ರೆಕ್ಕೆ ನೀಡುವ ಸೇತುವೆಯಾಗಲಿದೆ ಎಂಬ ವಿಶ್ವಾಸವನ್ನು ಸಂಸ್ಥಾಪಕರು ಮತ್ತು ಗಣ್ಯರು ವ್ಯಕ್ತಪಡಿಸಿದ್ದಾರೆ. ಮುಂಬರುವ ದಿನಗಳಲ್ಲಿ ಇದು ಕಲಾ ಲೋಕದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರುವ ನಿರೀಕ್ಷೆ ಇದೆ.

ಕಲಾ ಲೋಕದ ಮತ್ತಷ್ಟು ರೋಚಕ ಸುದ್ದಿಗಳಿಗೆ ಮತ್ತು ಎಲ್ಲಾ ಬಗೆಯ ಬ್ರೇಕಿಂಗ್ ಅಪ್‌ಡೇಟ್‌ಗಳಿಗಾಗಿ ಶಿವಮೊಗ್ಗ ಎಕ್ಸ್‌ಪ್ರೆಸ್‌ನ್ಯೂಸ್ ವೆಬ್ ಚಾನೆಲ್ ವೀಕ್ಷಿಸುತ್ತಿರಿ.

WhatsApp Number : 7795829207